مشروع إدارة المشروعات Construction Management Project

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مشروع إدارة المشروعات Construction Management Project

    اضغط على الصورة لعرض أكبر

الاسم: ddd.jpg
الحجم: 48.4 كيلوبايت
رقم التعريف: 226490



    مشروع تخرج إدارة المشروعات من المشاريع الأكثر طلباً بمعظم الجامعات ودة نتيجه الحجات اللي بيتم دراستها في المشروع وإتجاه سوق العمل ليه في السنين الأخيرة واللي النهاردة هنوضحلكم مشروع الإدارة بيكون متكون من إيه تحديداً .

    اولاً : – باب الأهداف الخاصه بالمشروع Project Scope.

    وده باب بيتم فيه عمل تعريف بسيط بالمشروع اللي تم إختياره وبتوضح فيه مكان المشروع Project Location وبتوضح فيه الجزء الي تم إختيارة تحدياً في المشروع في حاله كان المشروع مُكون من اكتر من مرحله Multi Phases وتقريباً الباب دا هو باب تعريفي فقط بالمشروع ومش بتحتاج فيه برامج أو مهارات كتير غير مهارات التنسيق والإخراج زي برامج Office .

    ثانياً : – باب العقود Contracts & Contract Analysis.

    وده تاني باب تقريباً بيتم طلبه وبيتم الدخول في الجزأ دا بشكل مباشر بعد إختيار المشروع وموافقه الدكتور عليه وبعد عمل شابتر ال Scope .

    وفي الجزأ دا من مشروعك بتبدأ تقرأ العقد وتعرف نوعه وطرق الدفع فيه Payment Methods وغرامات التأخير وطرق التعويضات وخلافه وبيتم كمان مقارنه العقد دا بالعقود القياسيه أو الفيديك FIDIC ودا بيختلف من جامعه لجامعه لكن تظل الفكرة الرئيسيه هي قراءه عقد المشروع الذي تم الموافقه عليه وتحليله وتفنيدة بشكل جيد وفي الجزأ دا من المشروع بتحتاج تبقي فاهم تقسيمات العقود المختلفه والأجزاء المتشابهه بجميع المشاريع .

    ثالثاً : – باب الوقت ومدة المشروع Time Management.

    الجزأ دا من المشروع يُعتبر من أهم الأجزاء في المشروع واللي من خلاله بتبدأ تستخدم برامج فعليه زي برنامج البريمافيرا Primavera والإكسيل Excel ومن خلال الباب دا بتبدأ تدرس البنود اللي في المشروع وتحسب الوقت الخاص بكل بند فيها وتشوف تقسيمه المشروع الرئيسيه WBS وتستعين بمعدلات أداء من الموقع نفسه أو من الشركه المنفذه للمشروع وبالتالي إنت هنا بتبدأ تحتك بالموقع والعماله ومعدلات الأداء – طبعاً الجزأ دا تقدر تجيبه جاهز لكن بيفضل إنك تنزل الموقع وتشوف دا علي أرض الواقع واللي فالاخر بيتم ترجمته لجدول زمني بالبريمافيرا .

    رابعاً : – باب حسابات التكلفه Cost Management.

    هنا بقي الجزأ الأكثر إمتاعاً في مشروع تخرجك لو كنت من مُحبي لغه الأرقام لانك في الباب دا هتبدأ تحسب تكاليف بنود المشروع وتعرف كل بند بيتقسم لإيه تحديداً وتعرف أنواع التكاليف المختلفه زي Direct وال Indirect وال Markup وبعد ما تحسب دا لمجموعه بنود أو كل البنود حسب ما هيطلب منك هتبدأ تحمل التكاليف دي والموارد علي برنامج البريمافيرا عشان تحصل علي منحني التدفقات النقديه الخاصه بالمشروع بتاعك Cash flow واللي عادتاً بتكون محل سؤال في مشروع التخرج .

    خامساً : – باب المتابعه والتحكم Monitoring & Controlling Chapter.

    في الجزأ دا هتبدأ تعمل Updating علي مشروعك زي ما بيحصل في الواقع برة بالظبط وهتبدأ توضح في كتابك المشروع بتاعك هيوصل لفين من وقت ومُتوقع ينتهي بتكلفه أد إيه تحديداً وهنا هتبدأ تدخل في جزأيه هامه جداً برضه بتكون محل نقاش رئيسي في مشروع التخرج وهي ال Earned Value .

    سادساً : – باب التنفيذ Method Of Construction.

    من الضروري جداً تبقي عارف إنك بمجرد ما بتخلص مشروع تخرج – إدارة المشروعات – إنت بتكون مهيئ إنك تبقي مهندس تخطيط ومتابعه Planning and Scheduling أو مهندس تسعير وتحكم في التكاليف أو حتي مهندس عقود وبالتالي من الضروري جداً إنك تكون فاهم أساسيات شغل الموقع والتنفيذ إزاي .
    وبالتالي إنت في الباب دا من المشروع بتبدأ توضح طرق تنفيذ البنود وطرق إستلامها وخطواتها وتدعم دا كمان بصور وبالتالي بتكون قدرت تجمع شغل التنفيذ واللي يعتبر هو الأساس في أي شغل فيما بعد سواء كنت مهندس في أي فرع من فروع ال Project Management أو حتي إخترت إنك تكون مهندس مكتب فني أو موقع … إلخ

    سابعاً : – باب المخاطر Risk Management Chapter.

    بتبدأ تحدد المخاطر المتوقع حدوثها في مشروعك وتأثير دا علي تكلفه ووقت المشروع زي إرتفاع أو إنخفاض أسعار بعض المواد زي سرقه المواد أوالحريق أو مشاكل التصميم أو التعارض بين التصميم والتنفيذ وبتوضح ربط كل الأجزاء ببعضها التكلفه والوقت والتنفيذ والتصميم وتأثير دا علي المشروع كلياً .

    ثامناً : – باب التحكم في الجودة Quality Management.

    ودا يُعتبر من أسهل الأبواب في المشروع علي الإطلاق لأنك في الجزأ دا من المشروع بتبدأ تتطرق لأعمال الإختبارات وكيفيه الحفاظ علي جودة المشروع والتحكم في دة قبل وأثناء وبعد التنفيذ .

    تاسعاً : – باب البعد الرابع وتكنولوجيا ال BIM – Building Information Management or Modeling.

    بالتأكيد كلنا عارفين برنامج الريفيت Revit وعارفين إن الإتجاه المستقبلي كله بيتجه للبعد الرابع والخامس 4D & 5D ودا لتسهيلها حجات كتير في المشروع .
    هنا بقي إنت بتبدأ تحتك بالجزأ دا في مشروعك عن طريق ربط الجدول الزمني والتكلفه بال3D Model الناتج من الريفيت أو أي برامج شبيهه لعمل تحكم مرئي للمشروع بتوضح فيه طريقه التنفيذ وعرض السعر والمده الخاصه بما هو مُخطط تنفيذه وطبعاًالكلام دا بيتم تنفيذ بإستخدام برنامج ال Navisworks أو Synchro أو أي برامج أخري شبيهه لهم في نفس المخرجات .

    عاشراً : – باب طرق التواصل Communication Management.

    ودا تاني أسهل جزأ في المشروع كما هو بجزأ ال Quality واللي فيه بتبدأ تحدد ال Job Descriptions بالمشروع وبتحدد طرق التواصل والمراسلات المختلفه والصحيحه طبقاً للمعايير الصحيحه وكيفيه تجنب Miscommunication واللي بدورها بتؤدي لفشل أو حدوث مشاكل كبيره بالمشاريع – بالإضافه لإنها واحده من أهم المتطلبات اللي لازم بتكون موجوده في أي مدير مشروع واللي بيستهلك 90% تقريباً من وقته فيها .

    • في النهايه في أبواب تاني كتير قد تكون موجوده فجامعات وأخري لا زي باب الحصر للمشروع وأبواب تحديد ال Stakeholders وابواب ال Procurement وأبواب ال Safety وخلافه

    وبالتالي الحد الأدني ليك في مشروع الإدارة :

    إنك بتكون مهيئ لأنك تشتغل كمهندس تخطيط /أو مهندس تسعير /أو مهندس عقود / أو حتي مهندس موقع (مع ضرورة وأهميه فهمك لأعمال التنفيذ ) / مكتب فني (مع ضرورة فهمك لأعمال المكتب الفني ) .

    وهذه مجموعه نماذج لمشاريع تخرج سابقه تقدر تشوفها بحيث تكون مرجع ليك


    تحميل ملف

    اضغط على الرابط في الاسفل

    =-=-=-=-=-=-=-=-=-=-=-=-

المواضيع ذات الصلة

تقليص

لا توجد نتائج تلبي هذه المعايير.

يعمل...
X