ابليــــس يصـــف الوضـــع والحالـــة في ‏الاردن

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ابليــــس يصـــف الوضـــع والحالـــة في ‏الاردن


    ابليــــس يصـــف الوضـــع والحالـــة في‏الاردن





    كان في‏غرفته, يلملم ملابسه في حقيبة إلى جانب باقي متعلّقاته, على المنضدة القريبة كانت‏استقالته موقّعة ومختومة حسب الأصول, وبجوارها تقبع ون-واي تيكت إلى جزر‏القمر.
    ‏كانت ملامح وجهه في تلك اللحظات تنطق بالحزن, ‏الكآبة, الإحباط, اليأس, وقلّة الحيلة... مع دهشة مزمنة ارتسمت عليه منذ فترة ليست‏بالقريبة, واعترافٍ بالعجز والفشل.
    ‏إبليس راحلٌ عن بلادنا إلى غير‏رجعة... فليفرح المؤمنون...

    - ‏وين يامسهّل؟ ليش عم بتضبّ‏اغراضك؟
    - ‏يازلمة ماظلّلي قعدة عندكو, إلي سنين عاطل عن العمل وقرّبت أموت من‏الجوع.. بلاقيش معك سيجارة ياخوك؟
    مش قاطع فيكو لا وسواس ولا خنّاس! كنت‏زمان بوسوس للوحدة تسيب ابنها يعيّط وهي بتحكي مع جاراتها, هسّة صاروا لحالهم يرموا‏اولادهم في الحاوية أوّل مايجوا!
    ‏كنت أوسوس للواحد ينسى يسمّي الله قبل‏مايوكل, هسّة بطّل حدا لاقي إشي يوكله! يازلمة إذا أنا إبليس تسمّمت‏بالشاورما!
    ‏كنت برضو بوسوس للشب يرميله كلمة ع البنت وهي ماشية‏بالشارع, صاروا البنات يطقّسوا ع الشباب بكلام أنا نفسي بستحي‏أحكيه!‏ إنتو بدّكو إبليس‏إنتو؟!
    ‏صار عندكم فائض في الفساد بكفّي 30 سنة لقدّام, صرت أخاف على حالي‏منكم!
    ‏يازلمة مرّات بضطرّ أوسوس بالشقلوب وأقول للمسؤول إرحم وللحرامي‏بكفّي خلّي شويّ للحراميّة اللي رح ييجوا‏بعدك!
    ‏يعني إذا إنتو لحالكو سمالله بتعملوا كل هالبلاوي, أنا إبليس شو‏أعمل؟ أشتغل شوفير تكسي يعني ولاّ أفتح صالون حلاقة؟ ماظلّ غير أقدّم للأوقاف‏يعيّنوني واعظ أو إمام جامع!

    ‏ثمّ فتح الباب وانطلق خارجاً إلى غير‏رجعة





  • #2
    هههههههههههههههههههههه
    مسكين هالابليس والله
    والله ما ضل الو مكان فعلا
    يسلمو ومشكوووووووووووووووور

    تعليق


    • #3
      ‏كنت برضو بوسوس للشب يرميله كلمة ع البنت وهي ماشية‏بالشارع, صاروا البنات يطقّسوا ع الشباب بكلام أنا نفسي بستحي‏أحكيه!‏ إنتو بدّكو إبليس‏إنتو؟!
      هههههههههههههههههههههههه

      يسلموووووو
      شكلو عن جد هالابليس ما ضللو
      محل من كتر الشوفات واللي بصير
      يسلمووووووو

      تعليق


      • #4
        ‏إبليس راحلٌ عن بلادنا إلى غير‏رجعة
        فجد عنده حق يرحل أصبح عندنا فساد يكفينا ألف سنه قادمة ربنا يستر علينا هو اللي بيجري لنا كمسلمين شويه (وده طبعا من غضب ربنا علينا)

        تعليق


        • #5
          والله معو حق
          يسلمو ايديكي "ahd"

          التعديل الأخير تم بواسطة سومة; الساعة 04-19-2009, 03:27 PM.

          تعليق

          المواضيع ذات الصلة

          تقليص

          لا توجد نتائج تلبي هذه المعايير.

          يعمل...
          X