إعـــــــلان

تقليص
لا يوجد إعلان حتى الآن.

سؤال مهم جدا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سؤال مهم جدا

    مرحبا يا شباب وصبايا قسم الهندسة الصناعية المحترمين
    قبل يومين كنت قاعد مع سنفوره وانا اقنع فيها تتخصص صناعي سألتني سؤال:
    شو اللي خلاك تتخصص صناعي؟
    وسدقوني لليوم انا مش عارف ليش اتخصصت صناعي...... بس للأمانه اني من يوم ما دخلت القسم حبيته واقتنعت فيه جدا واكتشفت انو احلى قسم بس مش عارف ليش اتخصصت فيه مع انو معدلي التخصص كان 81 .
    المهم ممكن حدا يجاوب على السؤال اللي ما بعرف جوابه
    ليش إخترت صناعي؟

  • #2
    ههههههههههههههههههههههههههههههههههههههههه

    ياعمي 81 واشياء كه كه كه

    نرجع لموضوعنا

    هاد السؤال ما حد بيقدر يجاوب عليه غيرك يا عبد الله

    انت سؤالك ليش انا تخصصت صناعي ؟؟؟


    يمكن لأنه التخصص الجامع لكل تخصصات الهندسة
    يمكن لأنو محال العمل فيه مفتوح في كل المجالات
    يعني يمكن لأنوو الوظية افضل من غيرها من التخصصات


    وفي كلمة حكالنا اياها مرة دكتور " المهندس الصناعي ويين ما تزتوو بيجي واقف" ههههههه اظن انت عارفوو

    تعليق


    • #3
      ممكن انا كنت بنفس وضعك حتى اني حولت من مدني لصناعي
      اخترت التخصص لاني من صف عاشر وانا احكي عن حالي صناعي لانو تخصص جديد بدايه جديدة لعالم كله تطور
      كمان لانو منقدر نشتغل للمستقبل وهو تخصص شامل وحلو وبنفس الوقت مش صعب بالنسبه للباقي لكن مش سهل بالمرة كمان بصح للشخص يدرس كل شي مهم بتخصصات الهندسه كلها وهو بس بدرس تخصص واحد
      بختصار تخصص مطلوب وبعتقادي كل شي بيعتمد عليه كمان شو احسن انك تاخدي مجستير ادارة بخمس سنين وانتي بالصناعه
      انا هيك راي وانشاء الله اكون اقنعتكم بالصناعه اكثر ونصيحه ما تفوتو شي مش مقتنعين فيه ولا حابينه

      تعليق


      • #4
        يمكن تكون رغبتك او رغبة الاهل او لانه الاظروف فرضت عليك هيك بالنسبة اللي اعتمادي على نفسي اكتر من اعتمادي على اساتذة القسم وكمان تحدي للشباب خاصة انهم عنم يحكوا صناعية نقطة ووقف للشباب وكل جديد ومستحدث مرغوب وفي حركة والحركة حلوة ومجالاته واسعة ادارة سلامة تصنيع
        تخصص من الاخر

        تعليق


        • #5
          بالنسبه لي انا:

          1_تخصص جامع بين كليتين الهندسه و الاداره

          2_تخصص جامع بين كل تخصصات الهندسه لذلك فهو ممتع

          3_تخصص جديد

          4_تخصص سهله دراسته

          5_تخصص يرتقي بدرجات العمل من مهندس الى مدير قسم الى مدير....

          6_مطلوب كثير بين عدة مجالات

          تعليق


          • #6
            والله بالنسبة إلي أنا معدلي دخلني صناعي

            ولما دخلته ما كنت بعرف شو يعني صناعي

            كنت بفكره مثل المدرسة الصناعية يللي بعسكر خخخخخخخخخخ

            بس الحمد لله إنو هداني على هالقسم الروعة

            تعليق


            • #7
              انا بصراحة كمان بسال حالي نفس السؤال انا صرت سنة تانية وقررت اتخصص صناعي مع انو معدلي التخصص بدخلني اي تخصص بدي ياه ومش عارفة ليش قررت ادخل هاد التخصص و ما في حدة مشجعني مع اني شايفو تخصص حلو .ياريت لو حدة يعطيني الدافع القوي اني اكمل فيه و ما اجي بيوم من الايام اتندم ليش دخلت هاد التخصص.

              تعليق


              • #8
                المشاركة الأصلية بواسطة صناعي123 مشاهدة المشاركة
                بالنسبه لي انا:

                1_تخصص جامع بين كليتين الهندسه و الاداره

                2_تخصص جامع بين كل تخصصات الهندسه لذلك فهو ممتع

                3_تخصص جديد

                4_تخصص سهله دراسته

                5_تخصص يرتقي بدرجات العمل من مهندس الى مدير قسم الى مدير....

                6_مطلوب كثير بين عدة مجالات

                شكرا كتير الك والله انا هيك اكتشفت
                تحياتي لرأيك

                تعليق


                • #9
                  المشاركة الأصلية بواسطة وردة البنفسج مشاهدة المشاركة
                  انا بصراحة كمان بسال حالي نفس السؤال انا صرت سنة تانية وقررت اتخصص صناعي مع انو معدلي التخصص بدخلني اي تخصص بدي ياه ومش عارفة ليش قررت ادخل هاد التخصص و ما في حدة مشجعني مع اني شايفو تخصص حلو .ياريت لو حدة يعطيني الدافع القوي اني اكمل فيه و ما اجي بيوم من الايام اتندم ليش دخلت هاد التخصص.

                  مرحبا
                  شكرا على المشاركة اولا
                  وتانيا
                  انا بصفتي صرت تقريبا مهندس " خريج حاليا " وخصوصا بعد فترة التدريب العملي في هاد الصيف
                  صيف 2009 والله انا بنصح كل واحد بشوفو يدخل التخصص تبعنا
                  لانو فعلا اكتشفت بحالي اشياء كتير بتميزني كمهندس عن اي مهندس تاني وهاي شغلة مش بسيطة على فكرة
                  عشان تتقرب الصورة اكتر نضرب مثال:
                  لو جبنا مهندس مدني وخليناه يجلس مع مجموعة من مهندسين الكهرباء مين بتوقع شو يكون شعوره؟؟؟؟؟؟
                  طبعا ما حيكون فاهم شي ولا الو علاقة بأي موضوع
                  لكن وفعلا وانا شخصيا جربتها انو مع اي مهندس باي تخصص احنا كمهندسين صناعيين النا حضورنا البارز والواضح جدا
                  والكل بستغرب انو شو بعرفنا بهيك اشياء........
                  طبعا بعود الفضل للقسم ولمواد القسم المتنوعة كتير جدا
                  واي حدا بقدر يشوف الخطة الدراسية للصناعي ويكتشف لحالو
                  والله في حكي كتير عن القسم الرائع
                  ومن الاخر حتى ما تحكو اني بمدح بقسمي وانو زي ما بحكو
                  " القرد بعين امو غزال"
                  عندي اخ هلء طالع على سنة تانية
                  لما تخصص نصحتو يتخصص صناعي عن علم وعن ارادة كبيرة
                  وبس يبلش الفصل الاول ويوخد اول مواد في القسم ومنها مقدمة في الهندسة الصناعية عند الدكتور سليمان الضعيفي
                  رح يشكرني كتير
                  ولو انا كنت غلطان باختياري كان ما بخلي اخوي يغلط متلي
                  صح؟؟؟؟؟؟؟؟
                  والا شو رايكو؟؟؟؟؟؟؟؟؟؟؟؟؟؟؟؟؟؟
                  شكرا للجميع
                  التعديل الأخير تم بواسطة God Slave; الساعة 08-18-2009, 07:59 PM.

                  تعليق


                  • #10
                    شكرا كتيير الك على هاد التشجيع. يعني المهندس الصناعي راح يكون مهندس بكل معنى الكلمة.

                    تعليق


                    • #11
                      طبعا
                      المهندس الصناعي عبارى عن عدة مهندسين مع بعض
                      والله مو بس حكي
                      انتو بكرا مع الوقت رح بشوفو شو الاشي اللي كسبتوه في التخصص
                      كتير ناس رح يحكولكم شو هالتخصص؟؟؟؟
                      وكتير رح يضحكو عليكم
                      بس انا بوعدكم انكو تكونو اكبر بكتير من كل الحكي
                      والي بحياتو ما هو سامع عن الصناعي
                      يروح يسأل

                      تعليق


                      • #12
                        سيدي كل الناس خير و بركة
                        يعني اظن انو كل واحد بمجالو بامكانو انو يبدع
                        و ما في حدا بحل محل حدا
                        يعني حتى الواحد كمهندس صناعي رغم اطلاعو الكبير حسب ما سمعت منكم ...ما بقدر يحل بشكل كامل محل حدا تاني سواء كهربا او مدني او ....
                        و نفس الشي العكس
                        :
                        :
                        اهما شي الواحد يختار عن قناعة و حب
                        لأنو ازا الواحد حب التخصص و استمتع فيه ببدع
                        شو ما كان التخصص
                        و لولا تنوع المجالات ما كان فيه حياة .. كان الواحد استكفى بحالو
                        لهيك انا بنظري كل التخصصات سواء في مجال الهندسة او غيرها مهمة و لا تقل اهمية عن البقية
                        متل اصابع ايدينا تمام .. مختلفين بس ما فيك تحدد مين فيها اهم .. و مين اللي فيك تستغني عنو
                        صح ؟؟
                        تقبل مروري :)

                        تعليق


                        • #13
                          بما انو السؤال هادا ما الي في
                          بس بقدر احكيلك يمكن لأنو ما طلعلك معماري
                          هههههههههههههههههه
                          كل الاقسام خير وبركة
                          والله يوفق الجميع

                          تعليق


                          • #14
                            أود ان اضيف بعض النقاط التى من شأنها قد تقرب تعريف ومفهوم مجال الهندسة الصناعية علاوة على النقاط التي ذكرها صديقنا ( صناعي 123):
                            - امهندس الصناعي جسر الوصول بين الادارة وأهدافها .
                            - المهندس الصناعي ( جوكر ) يمكنه العمل في العديد من المجالات الصناعية ( تنوع الصناعات ) والخدمية .
                            - المهندس الصناعي ( له حضور ) بين مهندسي مختلف التخصصات الاخرى بينهم .
                            - المهندس الصناعي وهو أساس دراسات الجدوى الاقتصادية للمشاريع وأداة الحكم للمفاضلة بينها وتقدير مدى نجاحها ..
                            - المهندس الصناعي يهتم بدراسة وتحليل وتصميم / المكان / المصنع / الآلات / الموارد البشرية / العمليات / التكاليف .... الخ ،مع ضمان جودة المنتج / الخدمة أي من ( a : Z ).
                            - أســـــــــــــــاسه علوم الرياضيات والفيزياء .
                            - لديه حســــــــــــــــاسية مميزة .
                            - مبــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــدع .
                            - فرص عمله مضمونه ومتزايده مع الوقت .

                            والله الموفق للجميع ..........

                            تعليق

                            المواضيع ذات الصلة

                            تقليص

                            المواضيع إحصائيات آخر مشاركة
                            أنشئ بواسطة HaMooooDi, 06-18-2018, 10:13 PM
                            ردود 0
                            60 مشاهدات
                            0 معجبون
                            آخر مشاركة HaMooooDi
                            بواسطة HaMooooDi
                             
                            أنشئ بواسطة HaMooooDi, 06-18-2018, 10:05 PM
                            ردود 0
                            78 مشاهدات
                            0 معجبون
                            آخر مشاركة HaMooooDi
                            بواسطة HaMooooDi
                             
                            أنشئ بواسطة HaMooooDi, 06-18-2018, 10:03 PM
                            ردود 0
                            49 مشاهدات
                            0 معجبون
                            آخر مشاركة HaMooooDi
                            بواسطة HaMooooDi
                             
                            أنشئ بواسطة HaMooooDi, 06-18-2018, 10:02 PM
                            ردود 0
                            122 مشاهدات
                            0 معجبون
                            آخر مشاركة HaMooooDi
                            بواسطة HaMooooDi
                             
                            أنشئ بواسطة HaMooooDi, 11-02-2017, 11:03 PM
                            ردود 2
                            429 مشاهدات
                            0 معجبون
                            آخر مشاركة سجى مراد
                            بواسطة سجى مراد
                             
                            أنشئ بواسطة HaMooooDi, 11-02-2017, 10:50 PM
                            ردود 0
                            183 مشاهدات
                            0 معجبون
                            آخر مشاركة HaMooooDi
                            بواسطة HaMooooDi
                             
                            أنشئ بواسطة HaMooooDi, 11-02-2017, 10:49 PM
                            ردود 0
                            199 مشاهدات
                            0 معجبون
                            آخر مشاركة HaMooooDi
                            بواسطة HaMooooDi
                             
                            أنشئ بواسطة HeaD Master, 09-13-2015, 02:04 PM
                            استجابة 1
                            2,415 مشاهدات
                            0 معجبون
                            آخر مشاركة ضي عمرو
                            بواسطة ضي عمرو
                             
                            يعمل...
                            X