الانترنت المحدود في فلسطين الشرح الكامل

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

    الانترنت المحدود في فلسطين الشرح الكامل

    الانترنت المحدود في فلسطين الشرح الكامل


    واجابة عن كل تساؤلاتكم



    اولا علشان تفهم لازم تقرأ الموضوع للاخر وما ننخدع بعناوين الاخبار دوبلنا السرعة ... وببلاش ... الخ


    أحدث ما قامت به الاتصالات الفلسطينية والمقصود به تحديد كمية نقل البيانات في الشهر لمشتركي خدمة ADSL المنزلي تحديداً بحيث يستهلك كمية بيانات معينة وبعد نفاذها يجب ان تدفع سعراً اضافياً لزيادة هذه الكمية.


    هذا النظام أثبت فشلة في الكثير من الدول وخاصة في الدول العربية ففي مصر مثلاً اتجه الجميع الى شبكات الاسلكية وخرجت الالاف من الناس في مظاهرات وحملات مقاطعة للانترنت المحدود مما اضطر وزارة الاتصالات وتكنولوجيا المعلومات في مصر الى التراجع عن هذا القرار .


    ولكن احنا كالعادة كل اشي بوصلنا متأخر المنيح والعاطل
    لا حول ولا قوة الا بالله.


    اعلان الاتصالات المضلل بكل ما تحمله الكلمة من معنى




    اول شي كتير من الناس ما بعرف شو يعني حجم التنزيل الي حددوه طبعا حجم التنزيل هو عبارة عن كمية البيانات الي انت بتسحبها من النت ولي وحدتها البايت والكيلو بايت والميغا بايت والجيجا بايت , يعني مثلا انت لما تفتح اي صفحة في النت مثلا صفحة منتدانا انت بتسحب كمية معينة من البايتات وهي تقريبا 3.1 كيلو بايت لصفحة ما فيها صور وفي حال كان في الصفحة صور بتكون كمية سحبك للبيانات 3.1 كيلو بايت + حجم كل الصور في الصفحة وطبعا منتدانا خفيف التصفح بالمقارنة مع المواقع الاخرى الي يمكن يوصل حجم الصفحة 70 او 100 كيلو بايت.


    طبعا المواقع مثل يوتيوب وفيس بوك واذاعات الراديو رح يكون حساب البايتات في نفس التنزيل او الداونلود يعني مشاهد فيديوعلى اليوتيوب رح تسحب بيانات بنفس حجم الفيديو وكلو رح يتسجل.


    يعني تخيل انو في عنا عداد وانت كل ما دخلت على صفحة رح يعد حجمها وتخيلو كم صفحة منفتح في النت وكل واحدة الها حجم
    وقارنوها بالبيانات الي حددتها شركة الاتصال للانترنت
    منلاقي انو كمية البيانات ممكن تخلص في اقل من شهر ويمكن في اول الشهر حتى.


    طبعا كل هذا الكلام ولسا ما جبنا سيرة الدوانلود او التحميل وهون المصيبة الكبرى.


    الدوانلود او التحميل كل حجم بتحملو رح ينخصم من كمية البيانات الي حددتها الاتصالات يعني لمشترك سرعة المتوسطة 256 اذا كان يحمل كل يوم فلم او فيديو كليب مع خطة الاتصالات الجديدة ما يحلم فيها.


    نيجي لموضوع السرقة العلنية او بالعربي " عينك عينك " احنا لما اشتركنا في ADSL المنزلي كان الاتفاق على انو النت 24 ساعة وغير محدد باي شروط الان بس يخلص رصيدك من نقل البيانات بتوقف النت اذن النت مو 24 ساعة وتقريبا الفرق بينهم بين الموبايل الرصيد المدفوع مسبقا "الكرت" والفاتورة.


    ومثال صغير شخص كان يحمل في النت القديم بدون تصفح فقط داونلود 1 جيجا بايت تقريبا يوميا ومشترك على خطة 512 يعني مسموح له بـ10 جيجا شهريا , خلال 10 ايام او اقل رح يوقف النت عنده او يخلص رصيدة ورح يطر يدفع 12 شيكل على كل 2 جيجا زيادة وبما انه محتاج كمان 20 جيجا رح يدفع 240 شيكل زيادة على الـ 120 الي كان بيدفعها زمان والي هم بدعو انهم قللوها لـ 95.


    شفتو الفرق يعني الاتصالات كسبت او سرقت 205 شيكل شهريا من شخص واحد وتخيلو عدد المشتركين واحسبو كم المبلغ الناتج.



    ماذا يحدث عندما يصل المشترك إلى سقف حجم التنزيل الشهري؟

    يتم تخفيض سرعة الخط إلى 64 كيلو بت في الثانية حتى نهاية الشهر.





    على افتراض أن خط المشترك سرعته 512 كيلو بت بالثانية مع سقف شهري مقداره 10 جيجا بايت فإن السقف الشهري هو:

    10*1024=
    10,240 ميجابايت

    وبالتالي فإن معدل الإستهلاك اليومي المسموح هو: 1024030=341 ميجا بايت

    -موقع Youtube.com: كل دقيقة مشاهدة تستهلك بالمعدل حوالي 3.7 ميجا بايت على الاقل وبالتالي يمكن مشاهدة: =1.3 ساعة يوميا (اقصى حد). يعني فقط تفتح اليوتيوب دون اي موقع اخر وتشاهد دون ما تحمل 1.3 ساعة يومياً وحتى نهاية الشهر.






    وبعد كل الي حكيناه ممكن اسأل سؤال صغير انا شو بدي بالسرعة الي صارت ضعف اذا ما رح اقدر استغلها

    بتمنى تكونو عرفتو المقصود بالكلام واي استفسار احنا حاضرين

    ومعا وسويا من اجل اللغاء هذا القرار الجائر والمستخف بالعقول

    تفضل وقول رأيك من خلال موضوع المقاطعة
    الاتصالات الفلسطينية تطلق رصاصة الرحمة على خدمة adsl المنزلي

    ومن خلال جروب الحملة على الفيس بوك

    هنا



    التعديل الأخير تم بواسطة m_mm32; الساعة 11-20-2009, 06:16 PM.

    #2
    لك يا حمودة القصة انكم فاهمين غلط الحملة بصراحة
    دوبلنا السرقة وقللنا السرعة
    وعليكم عليكم والزمن طويل
    ومعانا مش حتقدرو تعملو داونلود
    والله على الظالم بس
    شو بدنا نعمل غير انو الله يهديهم

    تعليق


      #3
      ألف شكر لك على الشرح الأكثر من راااااااااااااااااائع

      فعلا يا باش مهندس حموووودي ما شرحتة صحيح 100%

      الانترنت المحدود = تخلف بلا حدود

      تعليق

      المواضيع ذات الصلة

      تقليص

      المواضيع إحصائيات آخر مشاركة
      أنشئ بواسطة elsayyada, 01-29-2021, 12:04 PM
      ردود 0
      31 مشاهدات
      0 معجبون
      آخر مشاركة elsayyada
      بواسطة elsayyada
       
      أنشئ بواسطة HeaD Master, 12-13-2020, 07:19 PM
      ردود 0
      50 مشاهدات
      0 معجبون
      آخر مشاركة HeaD Master
      بواسطة HeaD Master
       
      أنشئ بواسطة HaMooooDi, 12-10-2020, 10:15 PM
      ردود 0
      25 مشاهدات
      0 معجبون
      آخر مشاركة HaMooooDi
      بواسطة HaMooooDi
       
      أنشئ بواسطة HeaD Master, 12-05-2020, 12:57 AM
      ردود 2
      44 مشاهدات
      0 معجبون
      آخر مشاركة HaMooooDi
      بواسطة HaMooooDi
       
      أنشئ بواسطة HeaD Master, 12-04-2020, 09:01 PM
      ردود 0
      62 مشاهدات
      0 معجبون
      آخر مشاركة HeaD Master
      بواسطة HeaD Master
       
      sisli escort mecidiyekoy escort
      bodrum escort
      replica watches
      antalya escort bayan
      يعمل...
      X